Text 2: Die Bildung Karls
Einhard, Vita Karoli 25
| copiosus, a, um : wortreich; apertus, a, um : frei; peregrinus, a, um : fremd; ediscere = discere; operam impendere = operam dare; facundus, a, um : fähig zu reden; dicaculus, a, um : vorwitzig, schnippisch; venerari : verehren; computare : rechnen; intentio, onis, f. : Anstrengung, Aufmerksamkeit; sagax, acis : scharfsinnig, klug; rimari : genau erforschen; codicellus : Heft; cervicale, is, n. : Kopfkissen; litteras effigere : Buchstaben schreiben; praeposterus : verkehrt, unrichtig; sero : zu spät; inchoare : beginnen |
Erat eloquentia copiosus et poterat, quicquid vellet, apertissime exprimere. Nec patrio tantum sermone contentus, etiam peregrinis linguis ediscendis operam impendit. In quibus Latinam ita didicit, ut aeque illa ac patria lingua orare sit solitus, Graecam vero melius intellegere quam pronuntiare poterat. Adeo quidem facundus erat, ut etiam dicaculus appareret.
Artes liberales studiosissime coluit, earumque doctores plurimum veneratus magnis afficiebat honoribus. Discebat artem computandi et intentione sagaci siderum cursum curiosissime rimabatur.
Temptabat et scribere tabulasque et codicellos ad hoc in lecto sub cervicalibus circumferre solebat, ut, cum vacuum tempus esset, manum litteris effigiendis adsuesceret, sed parum successit labor praeposterus ac sero inchoatus. |
Text 2: Die Bildung Karls: Herunterladen [doc] [25 KB]
Text 2: Die Bildung Karls: Herunterladen [pdf] [11 KB]