Rom aus der Perspektive eines Verbannten

"Carere patria intolerabile est." - Aspice hanc frequentiam, cui vix urbis immensae tecta sufficiunt ¹ : maxima pars istius turbae patria caret. Ex municipiis ² et coloniis ³ suis, ex toto denique orbe terrarum confluxerunt ⁴ : alios adduxit ambitio, alios necessitas officii publici, alios imposita legatio, alios luxuria opportunum ⁵ et opulentum ⁶ vitiis locum quaerens, alios liberalium studiorum cupiditas, alios spectacula; quosdam traxit amicitia, quosdam industria ⁷ laxam ⁸ ostendendae virtuti nancta materiam ⁸ ; quidam venalem ⁹ formam attulerunt, quidam venalem ⁹ eloquentiam.

Nullum non hominum genus concucurrit in urbem et virtutibus et vitiis magna pretia ponentem ¹⁰ . Iube istos omnes ad nomen citari ¹¹ et, unde domo ¹² quisque sit, quaere: videbis maiorem partem esse, quae relictis sedibus suis venerit in maximam quidem ac pulcherrimam urbem, non tamen suam.

Deinde ab hac civitate discede, quae veluti ¹³ communis potest dici, omnes urbes circumi: nulla non magnam partem peregrinae ¹⁴ multitudinis habet. Transi ab iis, quarum amoena positio ¹⁵ et opportunitas regionis ¹⁶ plures adlicit ¹⁷ , deserta loca et asperrimas insulas: nullum invenies exilium, in quo non aliquis animi ¹⁸ causa moretur.

Invenio, qui dicant inesse naturalem quandam inritationem ¹⁹ animis commutandi sedes et transferendi domicilia; mobilis enim et inquieta homini mens data est, nusquam se tenet, spargitur ²⁰ , et cogitationes suas in omnia nota atque ignota dimittit, vaga ²¹ et quietis inpatiens et novitate rerum laetissima.

Quod non miraberis, si primam eius originem aspexeris: non est ex terreno et gravi concreta corpore ²² , ex illo caelesti spiritu descendit; caelestium autem natura semper in motu est, fugit et velocissimo cursu agitur. Aspice sidera mundum illustrantia ²³ : nullum eorum perstat. Sol labitur adsidue et locum ex loco mutat.

Rom aus der Perspektive eines Verbannten: Herunterladen [doc] [34 KB]