Text Plinius 1-3
Infobox
Diese Seite ist Teil einer Materialiensammlung zum Bildungsplan 2004: Grundlagen der Kompetenzorientierung. Bitte beachten Sie, dass der Bildungsplan fortgeschrieben wurde.
C. PLINIUS TACITO SUO S.
Petis,
ut tibi avunculi mei exitum scribam,
quo verius tradere posteris possis.
Gratias ago;
nam video
morti eius,
si celebretur a te,
immortalem gloriam esse propositam.
Quamvis enim pulcherrimarum clade terrarum
ut populi,
ut urbes
memorabili casu, quasi semper victurus,
occiderit,
quamvis ipse plurima opera et mansura condiderit,
multum tamen perpetuitati eius scriptorum tuorum aeternitas addet.
Equidem beatos puto,
quibus deorum munere datum est
aut facere scribenda
aut scribere legenda,
beatissimos vero,
quibus utrumque.
Horum in numero avunculus meus et suis libris et tuis erit.
Quo libentius suscipio, deposco etiam,
quod iniungis.
avunculus, i m: Onkel
exitus, us m: Tod
celebrare: rühmen, preisen
clades, is f: Unheil
memorabilis, e: erwähnenswert
mansurus, a, um: bleibend
perpetuitas, atis f: Fortdauer
aeternitas, atis f: Ewigkeit
quibus utrumque: ergänze
datum est
deposcere = poscere
iniungere, iniungo, iniunxi, inunctum: auferlegen
Text Plinius 1-3: Herunterladen [doc] [21 KB]